Ivo Cetinić

Mogu vam reći iz ovog mista
Da čovik više ne vridi ništa
Mogu vam reći iz ovog kraja
Da čovik više ništa ne vaja

Današnji čovik ne more hodit
Bolu ga noge stane se potit
A ja se sićan staroga Tonte
Piške iz Češke doša' je s fronte
Nosil je rusak cilo to vrime
Pun bakalara i kaštradine

Ča se to radi svite moj mili
Oli smo falši, oli smo gnjili
Ča se to radi, ča se to zbilo
Ništa ni više ka ča je bilo

Mogu vam reći sa ovog škoja
Da svako čini ča ga je voja
Svak ništo muti u nikoj brzini
Klanja se kafi, nafti, benzini

A didi naši na vesla pošli
Iz Palagruže veseli došli
Ko da nas more veslima vozit
I ko zna više jidrima plovit

Današnji čovik ne more vozit
Bolu ga ruke, žuje će dobit

Mlade naše žene ne mogu dojit
Brez carskog reza ne mogu rodit
Male jin prsi, mliko im vodno
A Pampers su in imale dvodno
A ja se sićan matere moje
Na prsi uvik imala dvoje

A ove sada čekaju fino
Na čokolino, na medolino
A baba moja kad bi se digla
Odma bi rekla sve je to lino

A baba moja kad bi se digla
Odma bi rekla sve je to lino