Dinko Fio - Pere Ljubić

Izmej bardih ol' u valah
Izmej borih po škojima
Vididu se mola mista
S oblačićin lojkeg dima

Po mistima kampaneli
Povarh kuć su se ustali
I gledodu po pojima
I po mistu i po vali

Jedon gledo dol u valu
Kako ribar karpi mrižu
Ol' mornore dol na brodih
Èa na jarbol jidra dvižu

Drugi gledo po dvorima
Molu dicu ča igraju
Ol' u pojih red težocih
Èa u foši maškinoju

Ol' po putih mole ženske
Kad pomalo s ručkon gredu
Ol' za kuću di u hlodu
Store ženske vunu predu

Sve gledodu kampaneli
Posred mistih po škojima
A kucodu kako sarca
Areloji svej u njima