Lucija Rudan

Kad me duša zaboli
I sarce moje od muke stisne
Kad me nevoja pritisne
I već ne znon kul ću
Uputin se put tvojega greba

I onda ti se o svemu raspričon
Do mile voje
I bude mi nikako i lašnje i boje
Pok se spomenen ditinstva i mladosti
I kako si se zo me brinula
I koliko si mi dola sriće i radosti

Spomenen se našega komina
Kad bura puše vonka
A mi se uz plamik stisli
Do tebe na dvo bonka

Trudna si iz poja dohodila
A uvik kad si sidila
Za nos si plela ol mirliće, oli kalcete
I čudo si non lipe gojčice
Pripovidat znala
Oli si nan pisme iz "Kačića"
Polglos zakantala

Fola ti mama
Za sve ča si zo me učinila
I za parvi zlamen, i za parvu molitvu
Èa si me naučila, fola ti mama

A kad si išla ća
Puno i puno ti si mi falila
Fališ mi i sad