Jakša Fiamengo

Rebatiju ure,
Pošli smo kud koji,
Ostale su zvizde di su uvik bile.
Ka na mrtvoj straži samuju nan škoji,
Sve su dalje od nas...
Mirisi murtile.

Velikon smo svitu svoje vrime dali
Ali misli stalno onon žalu biže,
I za gušte stare još se svitlo pali
Da bi smo se rivon prostrli ka mriže.

Rebatiju ure,
Ponavja se pisma, vrju stareg mora
Èa ga grišpa vrime;
Zaderalo jugo
Cvili kala tisna,
åOčel` biti force...
Da izdrže cime.
 
O životu bilon ča ka' kruv me sladi
Sanjamo sve vrime pa ča nan ostane!
Dok i sad u srcu ka' na promenadi,
Rebatiju ure ponavja se sve.

Pobiga je život,
Već ga davno ni,
Drži to ča je
Sanjaj to ča ni.