Lucija Rudan

U čornoj svaži stori letrat,
katrida velo za krajicu,
na njoj moje matere mat;
stori letrat.
Veliko foka, bokuli veli,
ventula čorno na kanijeli,
u svaken uhu zlotno rećina,
a u ruke šoldo daržu kolina.
A zbondu none, kako dvo kipa:
teta Bonika i moja mat; stori letrat.
Nona ej imala četiri sina,
dvo je vazela Amerika,
a trećeg Argentina.
Èetvorti je umor iza parve gvere.
Imala je nona i četiri ćere:
za braćon su išle ća dvi.
Ostala je teta Bonina i moja mat...
Ma ni njih već ni;
osto je somo na miru visit
blidi, stori letrat; stori letrat.