Lucija Rudan

Pij zemjo moja,
napij se do mile voje!
Pij svaku kapju ča pade
na ispucone parsi tvoje.
Pij, pij, pij!
Kad vidin lamponje i čujen grome
kako se nad tobom lome,
kličen radosnog sarca:
zemjo moja, hrono moja,
popij svaku kapju da sok ulize
u lozje, u masline i vartal moj.
Pij, pij, pij!
Da ne ostane bez ploda
trud moj, i moj znoj.
Nijedon vonj na svitu
ni lipji ni dražji
od vonja zemlje posli daržja.
Dokli slušon kako dorž pado
snoga mi se vraćo ča son je izgubi,
dokli san u trudu na tebi,
zemjo moja, dobota sebe ubi.
Pij zemjo moja,
napij se do mile voje!
Pij svaku kapju ča pade na ispucone parsi tvoje.
Pij, pij, pij!